دكتۆر دواڕۆژ 18/6/2019
یەكەم: كەم جار فلات فوت پێویستی بە چارەسەرە بەڵام ئەگەر ببێتە مایەی ئازاری زۆر ئەوا پێویستە لەلایەن پزیشكی پسپۆڕەوە پێڵاوی تایبەتت بۆ دەستنیشان بكرێت لەڕێ‌ی پێوانەكردنی ئەو قەوسەی كە پێویستە هەبێت. ئەمە ئازار و نیشانەكانی كەمدەكاتەوە بەڵام تەختیی پێ چارەسەر ناكات. دیارە پێڵاوی تایبەتتر هەیە بۆ ئەو حاڵەتە كە بەشێوازێكی تایبەت دروست كراوە. نەشتەرگەری بۆ پێی تەخت ئەنجام نادرێت مەگەر كێشەی تری لەگەڵدا بێت.
دووەم: قەوسی هەردوو قاچت وەك لەو وێنەكەدا دیاریت كردووە زگماكییە و ئەگەر كاری نەكردووەتە سەر شێوازی رۆیشتنت یان ئازار و ناڕەحەتیت بۆ دروست ناكات بەوجۆرەی خۆی بیهێڵەرەوە ئەگەر دەتەوێت ئەو كەوانەییە نەمێنێت پێویستە ئەشیعەی وردت بۆ بگیرێت و بەراوردكاری بكرێت. مادام تەمەنت هێشتا نەگەیشتووەتە ئەو رادەیەی كە گەشەكردنی ئێسكەكانی تێدا بوەستێت ئامۆژگاریمان ئەوەیە سەردانی پزیشكی پسپۆڕی ئێسك بكەیت بۆ ئەوەی ئەگەر پێویست بە چارەسەر بكات لەئێستادا ئەنجام بدرێت. سوپاس بۆ بەكارهێنانی دكتۆر دواڕۆژ.