دكتۆر دواڕۆژ 16/2/2019
تەمەن و رەگەزت دیاری نەكراوە تا بزانیت ئەوە عازەبەیە یان زیپكەی ئاساییە. بەهەرحاڵ چارەسەری سروشتی بۆ ئەو جۆرە زیپكەیە هێندە زۆرن لە ژمارە نایەن و هەموویان لەسەر ئەزموونی تایبەتی خەڵكەكان كۆكراونەتەوە و ئیشی ئێمە نییە شێوازێك لە شێوازێكی تر بە باشتر بزانین بەڵام بەگشتی رێنماییەكان ئەوەیە نەهێڵیت پێستی دەموچاوت وشك ببێتەوە و رۆژی 2 جار بە سابوونی رەقی بیشۆیت، ئاو زۆر بخۆیتەوە، لانی كەم 8 سەعات بخەویت و درووكەویتەوە لە خواردنی توون و چەور و شیرن و هەندێك پێكهاتەش هەیە وەكو ماسك بەكاردەهێنرێن كە هەرە بەناوبانگەكەیان تێكەڵكردنی ماست و شەربەتی خەیارە، كەوچكێكی چێشت ماست و كەوچكێكی چا شەربەتی خەیار و بدرێت لە زیپكەكان و ماوەی 15 خوولەك بمێنێتەوە پاشان بیشۆ و رۆژانە ئەتوانی ئەمە دووبارە بكەیتەوە. سوپاس بۆ بەكارهێنانی دكتۆر دواڕۆژ.